‘मांडवी’ हॉटेलच्या कर्मचाऱ्यांची निदर्शने

पणजी: राजधानी पणजीतील ऐतिहासिक मांडवी हॉटेल 2019 मध्ये बंद पडल्यानंतर हॉटेलमध्ये काम करणाऱ्या कर्मचाऱ्यांना वेतन, ग्रॅज्युटी आणि भविष्य निर्वाह निधी मधील पैसे मिळाले नाहीत, गेल्या तीन वर्षांपासून यासंबंधी चर्चा करूनही पैसे मिळाले नसल्याने दोनशेहून अधिक कर्मचाऱ्यांनी आझाद मैदानावर निदर्शने केली.

मांडवी हॉटेल प्रायव्हेट लिमिटेड कंपनीने 2019 मध्ये हॉटेल बंद केले. मात्र हॉटेलमधील कर्मचाऱ्यांचे आर्थिक सेटलमेंट केली नसल्याने कर्मचाऱ्यांकडे पैसे नाहीत. पुढे कोरोना सुरू झाला. यातील काही कर्मचारी निवृत्त झाले, तर काही निवृत्तीच्या मार्गावर आहेत.

त्यामुळे अशा कर्मचाऱ्यांना आता नव्याने नोकरी मिळणे अशक्‍य झाले आहे. सेवानिवृत्ती रक्कमही दिल्या नाहीत. भविष्य निर्वाह निधीचे पैसेही संबंधित कार्यालयाकडे जमा केले नाहीत. याबाबत कामगार आयुक्तांकडे तक्रारी केल्या असून त्या वैयक्तिक स्वरुपातही केल्या आहेत.

हॉटेल मांडवीमध्ये मी 13 वर्ष नोकरी केली. मालकांनी कोणत्याही प्रकारची नोटीस न देता 2019 मध्ये अचानकपणे हॉटेल बंद केले. त्यामुळे आम्हा कर्मचाऱ्यांवर संकट कोसळले आहे. अनेक कर्मचाऱ्यांनी 30 वर्षापेक्षा जास्त नोकरी केली आहे. मात्र त्यांना कोणत्याच प्रकारच्या आर्थिक फायदे मिळाले नाही. याशिवाय नियमित वेतन मिळाले नाही. सध्या अनेक कर्मचारी निवृत्ती इतके वयस्कर झालेत. नव्याने नोकरी मिळणे शक्य नाही. त्यामुळे हॉटेल कंपनीने आमचे देय रक्कम ताबडतोब द्यावी.

- अच्युत धोंड, कर्मचारी हॉटेल मांडवी.