पणजी: पणजी वास्को दरम्यानच्या रस्त्यावरचा वाहतुकीचा ताण कमी करण्यासाठी पणजी-वास्को दरम्यान फेरीबोट सेवा सुरू करण्याचा नदी परिवहन खात्याच विचार असून त्यासाठी लागणारे मोठ्या बार्जची माहिती मिळवण्यात येत आहे. गरज पडल्यास यासाठी लवकरच निविदा काढण्यात येई, अशी माहिती समाज कल्याण आणि नदी परिवहन मंत्री सुभाष फळदेसाई यांनी दिली आहे.
फळदेसाई पुढे म्हणाले दिवसेंदिवस रस्त्यांवरच्या वाहतुकीचा ताण वाढत आहे यासाठी जलमार्ग वाहतूक ही अत्यंत स्वस्त दराची सुविधा आहे. त्याचा लाभ पर्यटकांबरोबरच इतरांनाही होईल.
सुरक्षा योजनेचे पैसे देणार
राज्यात वृद्ध, अपंग, आणि विधवा भगिनींसाठी दयानंद सामाजिक सुरक्षा योजना राबवण्यात येते. राज्यात सध्या 1लाख 38 हजार लाभार्थी असून गेल्या काही दिवसांपासून त्यांना नियमित पेन्शन मिळालेली नाही. या योजनेच्या लाभार्थ्यांचे पैसे लवकरच दिले जातील, असेही फळदेसाई म्हणाले.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
