मोरजी: कासारवर्णे बैलपार नदीवर जलसिंचन खात्यातर्फे 27 कोटी रुपये खर्च करून पंपहाऊस बसवून नदीचे पाणी अन्‍यत्र वळवण्याचा प्रयत्न सुरू आहे. हा प्रकार बेकायदा असल्याचा दावा करत कासारवर्णे पंचायतीने जलसिंचन खात्याला हे काम बंद करण्याची नोटीस दिली होती. परंतु त्या नोटिशीला न जुमानता जलसिंचन खात्याने काम युद्धपातळीवर सुरू केल्याने आता स्थानिक शेतकरी संतप्त बनले आहेत. जर सरकारने हे काम बंद ठेवले नाही तर 1 मे रोजी स्थानिक शेतकरी शिवाय मोपा विमानतळ पीडित जनसंघटना ‘जलआंदोलन’ या आगळ्‍यावेगळ्‍या उपक्रमाद्वारे जनआंदोलन छेडतील, असा इशारा देण्यात आला आहे. तसे पत्र समितीने उपजिल्हाधिकारी, मामलेदार आणि पेडणे पोलिसांना सादर केले आहे.
जलसिंचन खात्याचे अधिकारी म्हणतात की या पंपहाऊसद्वारे पाणी तिळारी कालव्याला सोडण्यात येणार आहे. या तिळारी कालव्याच्या माध्यमातून पंधरा एमएलडी पाणी हे नवीन चांदेल प्रकल्प विस्तारीकरण सुरू आहे, त्या प्रकल्पाला नेले जाईल. शिवाय पाच एमएलडी पाणी विमानतळ प्रकल्पाला तर 30 एमएलडी पाणी हे नियोजित तुये जलप्रकल्‍पाला देण्यात येणार आहे. त्‍यामुळे स्थानिक शेतकरी अजूनही भयभीत आहे. नदीचे पाणी इतरत्र वळवले तर पाचशेपेक्षा जास्त बागायतदारांना फटका बसणार आहे. त्‍यांची शेती, बागायती नष्‍ट होणार आहे, असा शेतकऱ्यांचा दावा आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
