पणजी: मुरगाव मतदारसंघात अनेक मोठमोठ्या सरकारी आणि खासगी कंपन्‍या आहेत. गेली अनेक वर्षे कोट्यवधी रुपये कमावणाऱ्या या कंपन्‍यांचा स्‍थानिकांना काहीच फायदा होत नाही. उलट येथील अनेक प्रकल्‍पांमुळे मुरगाववासीयांना विविध प्रकारचा त्रास सहन करावा लागतो, फायदा मात्र बिगरगोमंतकीय घेत आहेत, अशा शब्दांत मुरगावचे आमदार संकल्‍प आमोणकर यांनी सरकारवर हल्लाबोल केला. अर्थसंकल्‍पावर चर्चेदरम्‍यान ते बोलत होते.
(Projects in Murgaon benefit foreigners more than locals)
मुरगाव मतदारसंघात गोवा शिपयार्ड, मुरगाव पोर्ट ट्रस्‍ट हे मोठे प्रकल्‍प आहेत. येथील बंदरातून मोठ्या प्रमाणात कोळशाची वाहतूक केली जाते. यात मोठमोठ्या कंपन्‍यांचा सहभाग आहे. मात्र येथील कर्मचारी आणि कामगार गोव्‍याबाहेरील आहेत. कोळसा प्रदूषणाचा त्रास स्‍थानिकांना सहन करावा लागतो तर आर्थिक लाभ इतर लोक घेत असल्‍याचा आरोप आमोणकर यांनी केला. गेली अनेक वर्षे मुरगाव मतदारसंघाचा विकासच झालेला नाही, असे ते म्‍हणाले.
बायणा समुद्रकिनाऱ्यावर पारंपरिक मासेमारी करणाऱ्यांसाठी कोणत्‍याही सुविधा नाहीत. मासेमारीद्वारे आपला उदरनिवार्ह करणाऱ्या या समाजाकडे सरकारचे दुर्लक्ष होत आहे. या ठिकाणी सुमारे 300 ते 350 पारंपरिक मच्‍छीमार आहेत. किनारी कायद्यामुळे त्‍यांच्‍या व्‍यवसायावर बंधने आली असून पावसाळ्यात त्‍यांना आपल्‍या होड्या अन्‍यत्र नेऊन ठेवाव्‍या लागतात. कोणतीही सुविधा नाही, असे आमोणकर म्‍हणाले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
