आगामी विधानसभा निवडणुकीच्या आधी, तृणमूल काँग्रेस (TMC) च्या गोवा युनिटने मंगळवारी सत्ताधारी भारतीय जनता पक्ष (BJP) तसेच काँग्रेसच्या विरोधात निवडणूक आयोगाला पत्र लिहिले आहे. आरोप कोविड-19 (Covid-19) नियमांचे उल्लंघन केल्याबद्दल कठोर कारवाईची मागणी केली आहे. टीएमसीचे राज्यसभा खासदार डेरेक ओब्रायन (Derek O'Brien) यांनी मुख्य निवडणूक अधिकाऱ्यांना पत्र लिहून भाजप नेते आणि सदस्यांवर कठोर कारवाई करण्याची मागणी देखील केली आहे. केंद्रीय गृहमंत्री अमित शहा (Amit Shah), गोव्याचे मुख्यमंत्री प्रमोद सावंत (Pramod Sawant) आणि इतरांनी 30 जानेवारी रोजी सनवरदेम विधानसभा मतदारसंघातील निवडणूक प्रचारादरम्यान कोविड नियमांचे उल्लंघन केल्याचा आरोप त्यांनी केला आहे.
तृणमूल काँग्रेसने (Trinamool Congress) काँग्रेस नेत्या प्रियांका गांधी (Priyanka Gandhi) यांच्यावरही कोरोनाचे नियम मोडल्याचा आरोप केला. मुख्य निवडणूक अधिकाऱ्यांना लिहिलेल्या पत्रात टीएमसीने म्हटले की, काँग्रेस नेत्या प्रियंका गांधी वड्रा आणि इतरांनी 7 फेब्रुवारी रोजी नवीलीम विधानसभा मतदारसंघातील त्यांच्या निवडणूक प्रचारात कोविड नियमांचे उल्लंघन केले आहे. गोव्यातील विधानसभेच्या 40 जागांसाठी 14 फेब्रुवारीला एकाच टप्प्यात मतदान होणार आहे.
BJP ने मंगळवारी 14 फेब्रुवारी रोजी होणाऱ्या गोव्यातील विधानसभा निवडणुकीसाठी आपला जाहीरनामा प्रसिद्ध केला असून, पुढील 10 वर्षांत गोव्याला 50 अब्ज डॉलरची अर्थव्यवस्था करण्याचे आश्वासन देखील दिले आहे. यासोबतच प्रत्येक कुटुंबाला एलपीजीचे तीन सिलिंडर (LPG Cylinder) मोफत उपलब्ध करून देण्याची, खाणकामाची कामे आणि सर्वांसाठी घरे पुनर्संचयित करण्याची शपथही घेण्यात आली आहे. जाहीरनाम्यात म्हटले आहे की, "आम्ही गरिबांना सामाजिक कल्याणाचे फायदे कालबद्ध पद्धतीने आणि थेट रोख हस्तांतरणाद्वारे उपलब्ध करून देऊ, आम्ही दीनदयाळ स्वास्थ्य सेवा योजनेंतर्गत वृद्धापकाळ निवृत्ती वेतनाची रक्कम दरमहा 3,000 रुपये करणार आहोत.
भाजपने सत्तेत परतल्यानंतर सहा महिन्यांच्या आत 2018 पासून थांबवलेले खाणकाम पुन्हा सुरू करण्याचे आश्वासन देखील दिले आहे. येत्या पाच वर्षांत राज्यात येणाऱ्या पर्यटकांची वार्षिक संख्या दुप्पट करण्याचा संकल्पही पक्षाने केला आहे. भाजपने म्हटले आहे की जेव्हा ते सत्तेत परत येतील, तेव्हा त्यांचे सरकार पेट्रोल आणि डिझेलवरील करांवर मर्यादा घालेल, जेणेकरून किनारपट्टीच्या राज्यातील त्यांच्या किमतींवर नियंत्रण ठेवता येईल गोव्याला सभा, परिषदा आणि प्रदर्शनांसाठी आशियाचे केंद्र बनवण्याचे आश्वासनही भाजपने दिले आहे. जाहीरनाम्यात महिलांना लक्ष्य करत पक्षाने प्रत्येक कुटुंबाला वर्षभरात तीन एलपीजी सिलिंडर मोफत देण्याचे आश्वासन दिले होते.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
