Mapusa Accident: म्हापशातील साई संतोषी कोल्ड ड्रिंक्स मालकाचे निधन

Mapusa Hit and Run Case: राज्यात मागील काही दिवसांपासून 'हिट अँड रन'ची प्रकरणे वाढली आहेत.

गिरी ते पेडे महामार्गावर काल (रविवारी) रात्री हिट अँड रन अपघातात गंभीर जखमी झालेले म्हापशातील साई संतोषी कोल्ड ड्रिंक्सचे मालक प्रदीप नार्वेकर (रा. कोलवाळ) यांच्यावर गोवा वैद्यकीय महाविद्यालयात उपचार सुरू होते. मात्र त्यांचे निधन झाले आहे.

प्रदीप नार्वेकर यांच्या दुचाकीला कारची जोरदार धडक बसली होती. यामध्ये ते जबर जखमी झाले. म्हापसा पोलिसांनी संशयित कारचालकाची गाडी ओळखली असून ते आरोपीच्या मागावर आहेत.

कार एक वकील चालवत असल्याचे समोर आले आहे. आरोपीला लवकरात लवकर अटक करावी अशी मागणी होत आहे.