पणजी: महागाईने त्रस्त असलेल्या राज्यातील जनतेला आता वीजदरवाढीचा झटका बसला आहे. घरगुती वापरासाठी प्रतियुनिट 10 ते 25 पैसे वीज वाढली असून व्यावसायिक आणि औद्योगिक क्षेत्रातील विजेचे दर कायम राहणार आहेत. असे असले तरी सध्या औद्योगिक वसाहतील वीज ग्राहकांना खुल्या बाजारातील दराप्रमाणे अतिरिक्त दराने वीजपुरवठा होत आहे.
यासंदर्भात, राज्य उद्योग संघटनेचे अध्यक्ष दामोदर कोचकर यांनी प्रतिक्रीया देताना म्हटले की, वीज दरात थोडी वाढ झाल्यास उद्योगांना फारशी चिंता नाही. मात्र, अत्यंत निकृष्ट दर्जाची वीज आणि वारंवार खंडित होत असल्याने उद्योगांचे नुकसान होत आहे. उद्योगांनी खुल्या बाजारातून विजेचा अतिरिक्त खर्च उचलण्याचे मान्य केले असले तरी या समस्येला सामोरे जावे लागत असल्याने अडचणी तशाच आहेत.
कोचकर पुढे म्हणाले, की गेल्या अनेक वर्षांपासून पायाभूत सुविधांमध्ये कोणतीही सुधारणा झालेली नाही. सरकार पायाभूत सुविधा कर वसूल करत असूनही, हा पैसा कुठे जातोय, याची जबाबदारी नाही. वेर्णा औद्योगिक वसाहतीचे उदाहरण घ्या. वेर्णा येथील उद्योगांना उपकेंद्र उभारण्यासाठी भूखंड वीज विभागाला देण्यात आला. तथापि, हे उपकेंद्र सर्व किनारपट्टीच्या गावांना पुरविणारे आहे आणि ओव्हरलोड आहे. ट्रान्सफॉर्मर जुने असल्याने दुरुस्तीच्या कामामुळे वारंवार बिघाड होत आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
