![Crime](http://media.assettype.com/dainikgomantak%2F2023-08%2Fdccbfd27-f143-4977-9bcb-924ef9696944%2FBanner___2023_08_10T131718_081.jpg?w=480&auto=format%2Ccompress&fit=max)
House Breaking Theft At Betim: बेती येथील घरफोडी प्रकरणी पर्वरी पोलिसांनी 3 संशयितांना अटक केली आहे. संशयित कर्नाटक येथील असून त्यांना न्यायालयाने 5 दिवसांची पोलिस कोठडी सुनावली आहे. या प्रकरणी महिला पोलीस उपनिरीक्षक प्रणिता मांद्रेकर अधिक तपास करीत आहेत.
पर्वरी पोलिसांनी दिलेल्या माहितीनुसार, 8 सप्टेंबरला बेती येथे एका महिलेच्या घरी घरफोडीत 50 हजार रुपयांच्या ऐवाजाची चोरी झाल्याची तक्रार नोंद झाली होती. या तक्रारीच्या आधारे पोलिसांनी तपास सुरु केला.
बेती येथे एक व्यक्ती संशयास्पद रित्या फिरत असल्याचे आढळून आल्यावर पोलिसांनी सापळा रचत संशयित व्यक्तीला ताब्यात घेतले. संशयिताची चौकशी केली असता त्याच्याकडे चोरीचा मुद्देमाल आढळून आला.
अधिक चौकशी केली असता या चोरीच्या गुन्ह्यात अन्य दोघांचा समावेश असल्याची माहिती संशयिताकडून मिळाली. माहितीच्या आधारे दोघा संशयितांना अटक करण्यात आली.
मोहम्मद सादिक (26), मोहम्मद कासिम (26), इस्माईल कोच्वी (39) रा. कर्नाटक अशी अटक केलेल्या संशयितांची नावे आहेत अशी माहिती पर्वरी पोलीस स्थानकाचे निरीक्षक अनंत गावकर यांनी दिली.
संशयितांंना न्यायालयात हजर केले असता 5 दिवसांची पोलिस कोठडी सुनावण्यात आली. या प्रकरणी महिला पोलीस उपनिरीक्षक प्रणिता मांद्रेकर अधिक तपास करीत आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.