Rohan Khaunte: काँग्रेसने विश्वासार्हता गमावली असून अपयशी लोकांना प्रोत्साहन देते : रोहन खंवटे

Porvorim MLA Rohan Khaunte: सत्तेतील राजकारणी, पोलिस आणि सरकारी अधिकाऱ्यांचा वापर करून जनतेमध्ये पर्यटनमंत्री रोहन खंवटे दहशत निर्माण करत आहेत असा आरोप काँग्रेसचे माजी प्रदेशाध्यक्ष गिरीश चोडणकर यांनी काँग्रेस भवनात झालेल्या पत्रकार परिषदेत केला होता.

दरम्यान, चोडणकरांनी केलेले आरोप पर्यटनमंत्री खंवटे यांनी फेटाळले आहेत. चोडणकरांचे आरोप हे निराधार असून काँग्रेसने विश्वासार्हता गमावली असल्याचे सांगितले.

लोकांमध्ये भीती निर्माण करण्यासाठी भाजप आमदारांनी ‘सुपर कायद्या’चा वापर करायला सुरवात केली आहे. सध्याच्या कायद्यांपेक्षा त्यांचे स्वतःचे कायदे श्रेष्ठ आहेत. खंवटे पर्वरीचे प्रतिनिधित्व करत आहेत, तेव्हापासून पर्वरी अशांत बनली आहे असा आरोप चोडणकरांनी खंवटेंवर केला होता.

खंवटेंनी आरोपांना प्रत्यूत्यर देताना म्हटले, काँग्रेस नेते गिरीश चोडणकर यांनी केलेले आरोप निराधार आहेत. काँग्रेसने विश्वासार्हता गमावली आहे. कदाचित काँग्रेस हा देशातील एकमेव राजकीय पक्ष असू शकतो, जो अपयशी आणि असक्षम लोकांना प्रोत्साहन देतो असा टोला लगावला.