फोंडा: फोंडा पालिकेचे नगराध्यक्ष रितेश नाईक यांच्याविरुद्ध दाखल झालेला अविश्वास ठराव आज बारगळला आहे. रितेश नाईक यांच्या विरुद्ध 8 नगरसेवकांनी अविश्वास ठराव दाखल केला होता. या बैठकीत नगराध्यक्षांसह अन्य 14 नगरसेवकांची अनुपस्थिती होती. यासंबंधीची बैठक पालिका संचालनालयाने सकाळी अकरा वाजता बोलावली होती.
(Ponda Municipality)
फोंडा पालिकेचे नगराध्यक्ष रितेश नाईक यांच्याविरुद्ध आठ नगरसेवकांनी आणलेल्या अविश्वास ठरावावर आज चर्चा होणार होती. पंधरापैकी आठ नगरसेवकांनी हा अविश्वास ठराव आणला असला तरी त्यातील एक नगरसेवक गळाला असल्याने आता केवळ सातच संख्याबळ अविश्वास ठराव आणलेल्यांकडे उरले आहे. त्यामुळे हा ठराव बारगळल्यात जमा आहे.
फोंडा पालिकेचे नगराध्यक्ष रितेश नाईक यांच्याविरुद्ध केवळ सहा महिन्यातच हा अविश्वास ठराव आणल्यानंतर आठपैकी एकाला भाजपने आपल्या गोटात वळवण्यात यश मिळवल्यामुळे आता ठराव आणलेले सातजण बैठकीला अनुपस्थितीत राहिले
दरम्यान, फोंडा पालिकेतील संगीत खुर्चीच्या राजकारणाला रितेश नाईक यांच्याविरुद्धच्या अविश्वास ठरावाने चाप बसण्याची शक्यता असून यावेळेला विरोधकांना संधीच नाही, असे भाजप समर्थक नगरसेवकांनी या प्रतिनिधीशी बोलताना स्पष्ट केले. त्यातच पालिका मंडळाचा कार्यकाळ केवळ चारच महिन्यांचा शिल्लक आहे, त्यामुळे अविश्वास ठराव आणला आणि संमत झाला तरी पुढील नगराध्यक्ष कितपत काम करेल, हाही प्रश्‍न आहे.
मगो समर्थक तोंडघशी!
अविश्वास ठराव आणलेल्यांत मगो समर्थक नगरसेवक आहेत. मात्र, मगो पक्षाच्या केंद्रीय कार्यकारिणीने हा ठराव आणण्यामागे आमचा कोणताही हेतू नसल्याचे स्पष्ट केल्याने मगोचे सहाही समर्थक तोंडघशी पडले आहेत. त्यामुळे हा अविश्वास ठराव म्हणजे नुसती औपचारिकता असेल, असे भाजप समर्थक नगरसेवकांनी सांगितले.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
