फोंडा: वरचा बाजार, फोंड्यातील बुधवारपेठ भाजी मार्केटमध्ये शुक्रवारी उत्तररात्री आग लागून तीन गाळे जळून खाक झाली. या दुर्घटनेत सुमारे ६० ते ७० हजार रुपयांचे नुकसान झाले. ही घटना रात्री सुमारे १२ वाजण्याच्या सुमारास घडली.
आग लागल्याची माहिती मिळताच फोंडा अग्निशामक दलाच्या जवानांनी घटनास्थळी धाव घेत आग आटोक्यात आणली. त्यामुळे आग संपूर्ण मार्केटमध्ये पसरण्यापासून रोखण्यात यश आले. भाजीच्या दुकानांतील लाकडी फळ्या व गोणपाटामुळे आग वेगाने भडकल्याचे सांगण्यात आले.
दरम्यान, घटनेची माहिती मिळताच फोंडा नगराध्यक्ष विरेंद्र ढवळीकर, माजी नगराध्यक्ष रितेश नाईक, विश्वनाथ दळवी तसेच काँग्रेसचे नेते राजेश वेरेकर यांनी घटनास्थळी भेट देऊन पाहणी केली. आग लागण्याचे नेमके कारण अद्याप स्पष्ट झाले नसून, त्याचा तपास सुरू आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
