Goa Pollution: पिसुर्ले औद्योगिक वसाहतीमध्ये असलेल्या अंबे मेटालिक कंपनीच्या विस्ताराला कोणत्याही परिस्थितीत परवानगी देऊ नये. या प्रकल्पाच्या विस्ताराला परवानगी दिल्यास शेती-बागायती, नागरिकांचे आरोग्य, पर्यावरण, जैवविविधता धोक्यात येणार आहे. यामुळे प्रकल्पाच्या विस्ताराला काल होंडा पंचायतीतर्फे खास आयोजित करण्यात आलेल्या ग्रामसभेत नागरिकांकडून जोरदार विरोध करण्यात आला.
गेल्या रविवारी पिसुर्ले-सत्तरी येथील पंचायत सभागृहात जाहीर सुनावणी झाली होती. त्यावेळी या विस्ताराला विरोध केला होता. त्यानंतर आज होंडा येथे खास ग्रामसभा आयोजित करण्यात आली होती. या प्रकल्पाला पर्यावरण दाखला देण्यासाठी या कंपनीने गोवा प्रदूषण नियंत्रण मंडळाकडे आपला प्रस्ताव सादर केलेला आहे. या संदर्भाची जनहित सुनावणी नुकतीच पार पडली.
रासायनिक झोन रद्द करावा
पत्रकार व सामाजिक कार्यकर्ते बी.डी. मोटे यांनी यावेळी हा प्रकल्प नागरिकांच्या सुरक्षिततेसंदर्भात हानिकारक आहे. त्याचबरोबर पिसुर्ले औद्योगिक वसाहत रासायनिक झोन म्हणून जाहीर केलेला आहे. हा झोन त्वरित रद्द करावा व या प्रकल्पाच्या विस्ताराला मान्यता देण्यात येऊ नये, अशा प्रकारची मागणी केली.
शिवदास माडकर, होंडा पंचायतीचे सरपंच-
कंपनीने खोटे अहवाल सादर करून त्यात प्रस्तावित अहवालामध्ये सभोवताली भागामध्ये कोणत्याही प्रकारची वारसास्थळे नसल्याचे स्पष्ट केलेले आहे. त्याचप्रमाणे पर्यावरणाची कोणत्याही प्रकारची हानी होणार नसल्याची खोटी माहिती नमूद केलेली आहे. हा अहवाल पूर्णपणे चुकीचा असून प्रत्यक्षपणे या संदर्भात पाहणी करण्यात यावी, अशा प्रकारची मागणी केली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
