देशात पाच राज्यांच्या विधानसभा निवडणुकांचे बिगूल आत्तापासून वाजू लागले आहे. यातच आता छोट्याशा गोव्यातही विधानसभा निवडणूकांची (Assembly elections Goa) जय्यत तयारी राजकीय पक्षांनी सुरु केली आहे. सत्ताधारी भाजप (BJP) आपल्या पाच वर्षाच्या कामाचा लेखाजोखा जनतेसमोर मांडत आहे. तर दुसरीकडे राज्यात प्रमुख पक्ष असणारा कॉंग्रेसदेखील (Congress) भाजपने ज्याप्रकारे कोरोना काळात कामकाजाची हाताळणी केली त्यावरुन निशाणा साधत आहे. तर दुसरीकडे स्थानिक पक्षही भाजप सरकारशी (BJP government) युती करण्यास टाळाटाळ करत आहेत. या पाश्वभूमीवर अनेक पक्षांचे प्रमुख नेते राज्यातील जनतेला रिझविण्यासाठी मोठ- मोठ्या प्रचारसभा घेण्यासाठी गोव्यामध्ये दाखल होऊ लागले आहेत. त्यामुळे प्रशासनाची आणि पोलिस यंत्रणेची चांगलीच तारांबळ उडाली आहे.
यातच 28 तारखेला देशाचे उपराष्ट्पती एम. व्यंकय्या नायडू येत (M. Venkaiah Naidu) असून ते 1 नोव्हेंबरपर्यंत गोव्यामध्ये असणार आहेत. त्याचबरोबर 29 रोजी केंद्रीय संरक्षणमंत्री राजनाथ (Union Defense Minister Rajnath) सिंग हे देखील गोव्यात येत असून ते देखील 1 नोव्हेंबरपर्यंत गोव्यात राहून जनतेला आणि आपल्या कार्यकर्त्यांना संबोधित करणार आहेत. शिवाय प्राप्त माहितीनुसार केंद्रीय मंत्री नितीन गडकरी (Union Minister Nitin Gadkari) देखील 30 तारखेला गोव्यामध्ये येणार आहेत. त्यांचा मुक्काम गोव्यात किमान दोन दिवसासांठी असणार असे सूत्रांकडून सांगण्यात येत आहे. त्यामुळेच हे बडे नेते गोव्यात येत असल्याने पोलिस यंत्रणेची तारांबळ उडणार असल्याचे सांगण्यात येत आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
