गोमंतकीय वंशाच्या झेनेटा मस्करेन्हास ऑस्ट्रेलियाच्या पार्लिमेंटमध्ये

गोमंतकीय वंशाच्या अभियंता झेनेटा मस्करेन्हास यांनी ऑस्ट्रेलियामध्ये इतिहास रचला आहे. झेनेटा यांनी प्रतिस्पर्धी क्रिस्टी मॅकस्विनीचा पराभव करत ऑस्ट्रेलियाच्या पार्लिमेंटमध्ये आपली जागा पक्की केली आहे. मागील 101 वर्षांत स्वानची जागा जिंकणाऱ्या त्या पहिल्या महिला उमेदवार बनल्या आहेत. (Politician Zaneta Mascarenhas of Goan origin enters Australian Parliament)

निवडून आल्यावर झेनेटा यांनी क्लोव्हरडेल येथील स्पोर्ट्स क्लबमध्ये संध्याकाळी 7.50 च्या सुमारास लेबर पार्टीच्या 150 हून अधिक कार्यकर्त्यांसमोर भाषण केले. "हा एक अतिशय रोमांचक क्षण आहे," त्या म्हणाल्या. “मला आनंद आहे की स्वानच्या लोकांनी मला प्रतिनिधी म्हणून निवडून दिले आहे. मी लोकांसाठी काम करेन. आपल्या सर्वांचे भविष्य उज्वल आहे. मी लोकांसाठी काम करण्यास उत्सुक आहे."

त्या पुढे म्हणाल्या, "ऑस्ट्रेलियाला ऊर्जा महासत्ता बनण्याची आमच्याकडे संधी आहे. आपण प्रगती पथावर वाटचाल करू.”