म्हापसा : कुचेली - म्हापसा येथे भरधाव कारचा भीषण अपघात झाला आहे. या कार अपघातात तिघेजण जागीच ठार झालेत तर एकाला गंभीर जखमी अवस्थेत गोमॅकोमध्ये दाखल करण्यात आलं आहे. कारमधील सर्वजण बेळगाव कर्नाटकचे असल्याची माहिती असून गोव्यात पर्यटनासाठी आल्याची प्राथमिक माहिती आहे.
कर्नाटक नोंदणीकृत स्विफ्ट कारची रविवारी पहाटे 4 वाजण्याच्या सुमारास झाडाला धडक बसली. यात कारमधील तिघांचा मृत्यू जागीच मृत्यू झाला तर एकजण गंभीर जखमी झाला. जखमीला उपचारासाठी गोमेकॉत दाखल करण्यात आलं आहे. म्हापशाजवळील कुचेली येथे हा अपघात झाला आहे.
दरम्यान अपघाताचं नेमकं कारण अद्याप स्पष्ट झालेलं नाही. मात्र पहाटेच्या वेळी अपघात झाल्यामुळे चालकाला डुलकी लागल्याने अपघात झाल्याचा अंदाज व्यक्त केला जात आहे. हा अपघात इतका भीषण होता की कारचा चेंदामेंदा झाला. अपघातात नायर अनगोळकर (28) रोहन गदग (26) सनी अनवेकर (31) यांचा मृत्यू झाला आहे. तर विशाल कारेकर या 27 वर्षीय तरुणाला गंभीर दुखापत झाल्याने तातडीने गोमेकॉ रुग्णालयात दाखल करण्यात आलं आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
