Sanquelim News: साखळीत भूमिगत वीजवाहिनीचे काम करताना पाईपलाईन फुटली; पाणीपुरवठ्यावर परिणाम

Sanquelim News: देसाईनगर साखळी येथे सध्या भूमिगत वीजवाहिनी घालण्याचे काम सुरू आहे. या कामात जमिनीखालून ड्रिलींग करत असताना मुख्य जलवाहिनीला धक्का लागला. त्यामुळे ही पाण्याची पाईपलाईन फुटल्याची माहिती समोर आली आहे.

त्यामुळे आज (शुकरवे, 22 डिसेंबर) सकाळपासून मोठ्या प्रमाणात पाण्याचा अपव्यय झाला आहे. जलवाहिनी दुरूस्ती करण्यासाठी ती बंद करण्यात आल्याने सकाळपासून देसाईनगर भागातील लोकांना पाण्याचा पुरवठा बंद झालेला आहे.

याबाबत नगरसेवक प्रवीण ब्लेगन यांनी तीव्र नाराजी व्यक्त केली. ते म्हणाले की, सध्या शहरातील वीज वाहिन्या भूमिगत करण्याची गरज नसून सरकार यावर वायफळ पैसा खर्च करत आहे. या कामांमुळे लोकांचे मात्र पाण्याविना हाल होत असल्याची टीका त्यांनी यावेळी केली.