डिचोली: गोमंतकातील तरुण व्यावसायिक वैमानिक (पायलट) रिचा गोवेकर (Pilot Richa Govekar) हिचा विद्यावर्धक मंडळ संचलित डिचोलीतील शांतादुर्गा उच्च माध्यमिक विद्यालयातर्फे सन्मान करण्यात आला. कु. रिचा गोवेकर ही शांतादुर्गा उच्च माध्यमिकची माजी विद्यार्थीनी आहे. शनिवारी (ता.9) डिचोलीत आयोजित कार्यक्रमात विद्यावर्धक मंडळाचे अध्यक्ष विजय सरदेसाई यांच्या हस्ते रिचा हिचा गौरव करण्यात आला.
यावेळी विद्यालयाचे व्यवस्थापक अरुण साळकर, खजिनदार राजेश धोंड, साधनसुविधा विभागाचे व्यवस्थापक दिनेश मयेकर, प्राचार्य ओर्लांडो मिनेझिस, रिचा हिचे वडील लवू आणि आणि आई लीना गोवेकर उपस्थित होत्या. यावेळी विजय सरदेसाई यांनी रिचा हिचे अभिनंदन करून तिला पुढील वाटचालीस शुभेच्छा व्यक्त केल्या. यावेळी रिचा हिने आपले मनोगत व्यक्त करताना, पालकांचे सहकार्य आणि कठीण मेहनत घेतल्यामुळेच आपण ध्येय प्राप्त करू शकले. असे सांगितले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
