Goa Revenue: गोवा सरकारच्या तिजोरीत 5410 कोटी! केंद्राकडून आकडेवारी जारी; पेट्रोलियम पदार्थ, गॅस करातून प्राप्ती

पणजी: पेट्रोलियम पदार्थ आणि नैसर्गिक गॅस कराच्‍या माध्‍यमातून राज्‍य सरकारला गेल्‍या पाच वर्षांत सुमारे ५,४१० कोटींचा महसूल प्राप्‍त झालेला आहे. त्‍यात जीएसटीच्‍या माध्‍यमातून आलेल्‍या ६०.८६ कोटींचाही समावेश आहे.

केंद्रीय पेट्रोलियम आणि नैसर्गिक गॅस राज्‍यमंत्री सुरेश गोपी यांनी राज्‍यसभेतील लेखी प्रश्‍‍नाला दिलेल्‍या उत्तरातून ही माहिती समोर आली आहे. पेट्रोलियम पदार्थ तसेच नैसर्गिक गॅसची वाहतूक, वितरणाद्वारे राज्‍य सरकारला रॉयल्‍टी, अबकारी कर, जीएसटीच्या माध्‍यमातून दरवर्षी कोट्यवधींचा महसूल मिळत असतो.

राज्‍य सरकारला गेल्‍या पाच वर्षांच्‍या काळात या माध्‍यमातून ५,४१० कोटींचा महसूल मिळाला असून प्रत्‍येकवर्षी या करात वाढ झाल्‍याचेही मंत्री गोपी यांनी उत्तरातून सादर केलेल्‍या आकडेवारीतून दिसून येते.

पेट्रोलियम व नैसर्गिक गॅस कर

वर्ष महसूल (कोटींत)

२०२०–२१ ६८१.५०

२०२१–२२ ९९३.६०

२०२२–२३ १,२७८.१०

२०२३–२४ १,१८२.७०

२०२४–२५ १,२७४.१०

जीएसटीच्‍या रुपात मिळालेला कर

वर्ष महसूल (कोटींत)

२०२०–२१ १०.०६

२०२१–२२ १४.६०

२०२२–२३ ९.६०

२०२३–२४ १८.१०

२०२४–२५ ८.५०