Mapusa Crime News: लोकांचे पैसे अन् दागिने घेऊन फसवणूक करणारा म्हापसा पोलिसांच्या ताब्यात

Mapusa Crime News: लोकांची पैसे आणि दागिने घेऊन फसवणूक करणाऱ्या साहिल दळवी (कुडचडे) यास चोप देण्याचा प्रकार म्हापशात घडला. म्हापसा पोलिसांनी दळवी यास प्रतिबंधक कारवाई अंतर्गत अटक केली.

ही घटना मंगळवारी सायंकाळी ६.१५च्या सुमारास म्हापसा कोर्ट जंक्शन परिसरात घडली. पैशांच्या व्यवहारातून संशयितासोबत काहीचा वाद झाला व प्रकरण हातघाईवर गेले. हा वाद होताच अजून काही लोक घटनास्थळी आले.

या लोकांना दागिने व रोख रक्कमेला गंडा घातला होता. सर्वांनी मिळून त्यास बराच चोप दिला. या घटनेची माहिती मिळताच म्हापसा पोलीस घटनास्थळी दाखल झाले व संशयिताला जमावाच्या तावडीतून सोडवून पोलीस स्थानकात आणले.

दरम्यान, पोलीस स्थानकात हे प्रकरण पोचताच संशयिताविरूद्ध तक्रार देण्यास कुणीच तयार झाला नाही. यामुळे पोलिसांनी शेवटी संशयिताला प्रतिबंधक कारवाईखाली अटक केली.