Goa Horticulture Department: शिळी, खराब भाजी आढल्यास आता दुकानावर होणार कारवाई; प्रेमेंद्र शेट यांची माहिती

Goa Horticulture Department: फलोत्पादन विभागांतर्गत येणाऱ्या दुकानांमध्ये मिळणारा भाजीपाला खराब दर्जाचा असल्याचा दावा स्थानिकांनी केला. त्यासोबतच वाढत्या दरांनी सामन्यांच्या खिशाला कात्री बसत असल्याची खंतही व्यक्त करण्यात येत आहे. याबाबत फलोत्पादन विभागाचे अध्यक्ष प्रेमेंद्र शेट यांनी महत्वाची माहिती दिली आहे.

फलोत्पादन विभागातर्फे एक हेल्पलाईन क्रमांक जारी करण्यात आला आहे. फलोत्पादन विभागांतर्गत येणाऱ्या दुकानांमधून ग्राहकांना जर खराब किंवा शिळा भाजीपाला मिळत असेल तर सदर हेल्पलाईन क्रमांकावर त्याचे फोटो पाठवण्याची सुविधा उपलब्ध करण्यात आली आहे.

खराब दर्जाची भाजी मिळत असल्यास ग्राहक दुकानाबाबत तक्रार करू शकतात, अशी माहिती प्रेमेंद्र शेट यांनी दिली आहे.

भाजीपाल्याचे दर स्थिर ठेवण्यासाठी विभाग प्रयत्नशील....

भाजीपाल्याचे गगनाला भिडणारे दर सामान्यांना त्रासदायक ठरत आहेत. याबाबत प्रेमेंद्र शेट म्हणाले की, हे दर निश्चित करून स्थिर ठेवण्यासाठी आम्ही चर्चा करत आहोत.

प्रत्येकाला परवडतील असेच दर ठेवण्याचा आम्ही प्रयत्न करत आहोत.