मोरजी: पेडणे तालुका हा कलेची खाण आहे आणि संगीताचे माहेरघर म्हटले जाते, असे प्रतिपादन कीर्तनकार ह.भ.प. व्ही.जी. शेटगावकर यांनी मांद्रे येथे केले.
मांद्रे येथील स्वरगंधा संस्था, श्री सातेरी देवस्थान समिती आणि कला आणि सांस्कृतिक संचालनालय पणजी यांच्या संयुक्त विद्यमाने दोन दिवसांचा कला महोत्सव आयोजित केला होता. या महोत्सवाचे उदघाटन केल्यानंतर शेटगावकर बोलत होते.
यावेळी अध्यक्षस्थानी राष्ट्रीय कीर्तनकार सुहास वझे, संस्थेच्या अध्यक्षा तथा माजी कला आणि सांस्कृतिक मंत्री संगीता परब, सचिव सोमनाथ पार्सेकर, सरपंच प्रिया कोनाडकर, माजी सरपंच सुभाष आसोलकर, देवस्थान समिती अध्यक्ष पार्सेकर, सत्कारमूर्ती निवृत्ती शिरोडकर, अनघा आजगावकर, नीळकंठ मठकर, दादू पार्सेकर संतोष सावंत आदी उपस्थित होते.
कीर्तनकार सुहासबुवा वझे म्हणाले, सध्याच्या पिढीला संस्कारांची गरज आहे. वाचन संस्कृती टिकवण्यासाठी कीर्तनाकडे युवकांनी वळावे. सूत्रसंचालन सोमनाथ पार्सेकर यांनी तर सत्कारमूर्तींचा परिचय पांडुरंग गावडे यांनी केला.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
