Goa Murder Case: पेडा - बाणावली खून प्रकरण; प्रियकर सूरज मायगेरीला 9 दिवसांची पोलिस कोठडी

Goa Murder Case

पेडा-बाणावली येथील विश्वनाथ सिधनल यांच्या खूनप्रकरणी सूरज मायगेरी (कडोळी, बेळगाव) याला नऊ दिवसांची पोलिस कोठडी सुनावण्यात आली आहे.

यापूर्वी विश्वनाथ यांच्या पत्नी वैभवी उर्फ मंगल सिधनलला सात दिवसांची पोलीस कोठडी सुनावण्यात आलीय. प्रेमसंबंधात अडथळा ठरत असल्याने सहा महिन्यांपूर्वी पत्नी वैभवीने प्रियकर सूरजसोबत कट रचून रविवारी (दि.24) हा खून केल्याचे पोलीस तपासात स्पष्ट झाले आहे.

विश्वनाथ सिधनल खून प्रकरणाला अनैतिक संबंधाची किनार असून विश्‍वनाथची पत्‍नी वैभवी हिचे आणखी एका युवकाशी सूत जमले होते. त्‍या संबंधात विश्‍वनाथचा अडथळा येत असल्‍यामुळे आपल्‍या प्रियकराच्याच मदतीने तिने विश्‍वनाथचा काटा काढला हे उघड झाले आहे.

दोघाही संशयितांचे शालेय जीवनापासून प्रेमप्रकरण होते. त्यांच्या संसारात ते खूश नव्हते. म्हणूनसाठी विश्वनाथचा काटा काढून एकत्र येण्याची आखणी त्यांनी सहा महिन्यांपासून सुरू केली होती. रविवारी त्यांनी डाव साधला.

अशी आहे पार्श्वभूमी

सूरज मायगेरी आणि वैभवी उर्फ मंगल सिधनल यांचे शाळेत असल्यापासून एकमेकांवर प्रेम होते. सूरज खालच्या जातीतला असल्याने वैभवीच्या घरच्यांनी लग्नास नकार दिला व तिचे विश्वनाथसोबत लग्न लावून दिले. सुरजचे देखील दुसऱ्या मुलीसोबत लग्न झाले.

दरम्यान, सूरज आणि वैभवी यांच्यातील लग्नानंतर देखील प्रेम फुलत गेले आणि ते पुन्हा संपर्कात आले. वैभवीचा पती प्रेमात अडथळा ठरत असल्याने दोघांनी त्याचा काटा काढण्याचा निर्णय घेतला आणि मंगळवारी विश्वनाथचा खून केला.