Goa Election : हणजुण-कायसुव पंचायतीवर 25 वर्षे अधिराज्य गाजविणाऱ्या आल्मेदांचा अस्त

Goa Panchayat Election : हणजुण-कायसुव पंचायतीवर गेली 25 वर्षे निर्विवाद अधिराज्य गाजविणाऱ्या सावियो आल्मेदांचा अस्त झाला आहे. लक्ष्मीकांत चिमुलकर या तरुण उमेदवाराने पराभव केल्यामुळे अखेर 25 वर्षांनंतर आल्मेदांना सरपंचपदाची खुर्ची सोडावी लागणार आहे.

हणजुण-कायसुव पंचायतीवर गेली पंचवीस वर्षे सरपंच तसेच उप-सरपंच म्हणून अधिराज्य गाजविणाऱ्या पेट्रीक सावियो आल्मेदा यांचा (प्रभाग क्रमांक 8 ) लक्ष्मीकांत चिमुलकर या नवख्या उमेदवाराकडून दारुण पराभव करण्यात आला आहे. चार वेळचे हणजुण-कायसुव पंचायतीचे सरपंच पद उपभोगलेल्या माजी सरपंच सावियो आल्मेदा यांचा पराभव करून लक्ष्मीकांत चिमुलकर सध्या येथील जाइंट किलर ठरले आहेत.

उर्वरित विजयी उमेदवारांमध्ये प्रभाग क्रमांक 1 दिनेश पाटील, प्रभाग क्रमांक 2 सुरेंद्र गोवेकर, प्रभाग क्रमांक 3 स्मिता खोर्जुवेकर, प्रभाग क्रमांक 4 अनुप मांदेकर, प्रभाग क्रमांक 5 प्रतिमा गोवेकर, प्रभाग क्रमांक 6 रुमाल्डीन मिनेझीस, प्रभाग क्रमांक 7 सुदेश पार्सेकर, प्रभाग क्रमांक 9 निकीता गोवेकर, प्रभाग क्रमांक 10अग्नेस कार्वाल्हो, आणि प्रभाग क्र 11 मधून शितल नाईक या विजयी झालेल्या आहेत.