पणजी : गोव्यात मार्चच्या पहिल्या पंधरवड्यातच तापमानात कमालीची वाढ झाली आहे. त्यामुळे गोवेकरांची मात्र उन्हाने काहिली होताना दिसत आहे. रविवारी एकाच दिवसात तब्बल 5.1 अंशांनी तापमानात वाढ झाल्याचं हवामान खात्याने जाहीर केलं आहे. त्यामुळे येत्या काही दिवसांमध्ये तापमानात आणखी वाढ होण्याची शक्यता आहे. (Goa weather updates)
रविवारी एका दिवसात गोव्याच्या (Goa) तापमानामध्ये 5.1 अंशांनी वाढ झाल्याने गोव्याचं कमाल तापमान 37.4 अंशांवर पोहोचलं आहे. पणजीतील हे चौदावं सर्वाधिक तापमान (Temperature) असल्याचं आतापर्यंतच्या उपलब्ध माहितीवरुन स्पष्ट होतं आहे. आतापर्यंत 13 वेळा पणजीचं कमाल तापमान 37.4 किंवा त्याहून अधिक नोंदवलं गेलं आहे. पूर्वेकडून येणाऱ्या उष्ण वाऱ्यांमुळे आणि वातावरणाच्या खालच्या पट्ट्यातील उष्म्यामुळे गोव्याच्या तापमानात आणखी सामान्य तापमानापेक्षा 3-4 अंशांनी वाढ झाली आहे.
गोव्यात 17 मार्चपर्यंत वातावरण (Climate) असंच शुष्क असण्याची शक्यता हवामान खात्याने वर्तवली आहे. तर काही ठिकाणी मात्र 13 आणि 14 मार्चदरम्यान धुकं आणि दव पडण्याची शक्यताही वर्तवण्यात आली आहे. तापमानात सातत्याने वाढ होत असल्याने काळजी व्यक्त केली जात आहे. त्यामुळे हवामान खात्याने नागरिकांना पाण्याचं सेवन जास्त करण्याचं तसेच कारणाशिवाय घराबाहेर न पडण्याचं आवाहन केलं आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
