राज्यात गुन्हेगारीचे प्रमाण वाढतच आहे. अंमली पदार्थ, लैंगिक अत्याच्यार, खून असे अनेक प्रकार उघडकीस येत आहेत. अशातच आज पणजी पोलिसांनी दोघा संशयितांना अटक केली आहे. फसवणूक केल्याच्या गुन्हा दाखल करीत दोघांना अटक करण्यात आली.
याबाबत अधिक माहिती अशी की, आयएएस अधिकाऱ्याचा पीए असल्याचे व एका तारांकित हॉटेलसाठी भाडेपट्टीवर वाहन लावण्याचे कंत्राट देतो असे सांगून एकाची फसवणूक केल्याचा प्रकार उघडकीस आला.
हा प्रकार उघडकीस येताच पणजी पोलिसांनी याप्रकरणी दोघा संशयितांना आज शिताफीने अटक केली. संशयितांनी एकूण 10.55 लाखांना गंडा घातला आहे. समीर धावस्कर व दिनकर सावंत रा. सर्वण- डिचोली असे अटक करण्यात आलेल्या संशयितांची नावे आहे.
संशयित समीरने आयएएस अधिकाऱ्याचा ड्रायव्हर असल्याचे सांगून सरकारी नोकरी देण्याच्या नावेही अनेकांना 2.12 कोटींचा गंडा घातल्याचेही उघड झाले आहे. गेल्या काही दिवसापासून पोलिस संशयितांचा शोध घेत होते. मात्र, ते वेळोवेळी चकमा देत होते. अखेर आज संशयितांना गजाआड करण्यात पणजी पोलिसांना यश आले आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.