पंचायतींनी आपला निधी गटारांसाठी वाया न घालवता गावात नवीन विकासांचे स्रोत आणण्यासाठी प्रयत्न करावे. दूरदृष्टी ठेऊन काम करावे. पंचायत इमारतीचे कशा प्रकारे नूतनीकरण होणार याचा विचार करावा, असे प्रतिपादन मुख्यमंत्री डॉ. प्रमोद सावंत यांनी केले.
हरवळे पंचायतीतर्फे उभारण्यात आलेल्या एमआरएफ या कचरा व्यवस्थापन शेड, गावठी बाजार शेडचे उदघाटन व गावातील स्वावलंबी व्यवसायिकांच्या गौरव सोहळ्यात मुख्यमंत्री बोलत होते.
ते पुढे म्हणाले की, गावचा विकास कसा होणार व नवीन तंत्रज्ञानाचा लाभ गावातील समस्या सोडवण्यासाठी कसा होणार याचा विचार पंचायतींनी करायला हवा. कचरा व्यवस्थापनाबाबत हरवळे या राज्यातील अत्यंत लहान पंचायतीचा आदर्श गोव्यातील इतरही पंचायतींनी घ्यावा, असे आवाहन त्यांनी यावेळी केले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.