रस्त्यांवर खड्डे, पाण्याचीही समस्या, पणजीकर त्रस्त

पणजी: येथील रहिवाशांना दैनंदिन जीवनात अनेक समस्यांना सामोरे जावे लागत आहे.
पणजी हे विकसित शहर मानले जात असले तरी येथे पार्किंग समस्या, ओला कचरा व्यवस्थापन स्थळाचा अभाव, खराब रस्ते, अशा अनेक समस्या आहेत. (Panaji Goa Latest News)

"पणजीचा मतदार म्हणून ही माझी दुसरी विधानसभा निवडणूक आहे. पण कचरा, पूर यासारख्या समस्या माझ्या लहानपणापासूनच आहेत. मी माझ्या वडिलांना या समस्यांबद्दल बोलताना ऐकले आहे," असे पणजीतील एक नागरिक म्हणाले.

शहरात मुसरधार पाऊस पडल्यावर मिरामारकडे जाणारा रस्ता, पोलिस (Police) मुख्यालयाबाहेरील रस्ता, बसस्थानक (Bus stand) यासारखे काही भाग जलमय होतात. यामुळे पावसाळ्यात लोकांना वाहतूक करण्यास त्रास होतो. “पाण्याची समस्या दूर करण्यासाठी शहरातील नाल्यांची पुनर्बांधणी करणे हाच एकमेव उपाय आहे,” असे तज्ज्ञांचे मत आहे.

कचऱ्याची (Garbage) समस्या दूर करण्यासाठी सरकारने पावले उचलली आहेत. “कचऱ्याच्या समस्येकडे हळू हळू लक्ष दिले जात आहे पण आम्हाला कायमस्वरूपी उपाय हवा आहे, जेणेकरून आम्हाला रस्त्याच्या कडेला, बाजाराच्या भागात, निवासी भागात कचऱ्याचे ढीग दिसणार नाहीत," असे नागरिकांचे म्हणणे आहे.

रहिवासी कसिनोवर खूश नाहीत. “आम्ही कसिनो (Casino) संस्कृतीला कडाडून विरोध करत आहोत. कसिनो हे ट्रॅफिक जाम, बेकायदेशीर पार्किंग, गर्दीसाठी कारणीभूत आहे, असे देखील नागरिक म्हणाले.