Panaji Police conducted Narcotics Raid : अमली पदार्थ बाळगल्याप्रकरणी पणजी पोलिसांनी काम्पाल येथे कारवाई केली आहे. याप्रकरणी एका संशयिताला अटक करण्यात आली असून त्याच्याकडून तीन लाख रुपये किंमतीचा 3 किलो गांजा (Drugs) जप्त करण्यात आला आहे.
पोलिसांनी दिलेल्या माहितीनुसार, काम्पाल येथे एक व्यक्ती आपल्या ग्राहकाला अमली पदार्थाची विक्री करण्यासाठी येणार असल्याची गुप्त माहिती पणजी पोलिसांना मिळाली होती. माहितीच्या आधारे काम्पाल येथील होम सायन्स कॉलेज जवळील रस्त्यावर सापळा रचला.
संशयित घटनास्थळी येताच त्याला ताब्यात घेण्यात आले. यावेळी संशयिताची तपासणी केली असता त्याच्याकडे 3 लाख रुपये किमतीचा 3 किलो हिरवट रंगाचा गांजा सदृश्य अमली पदार्थ आढळून आला. पोलिसांनी संशयितावर एनडीपीएस कायद्याअंतर्गत गुन्हा दाखल करुन अटक केली. एग्नेलो डायस (31) रा. सांतिनीज असे अटक करण्यात आलेल्या संशयिताचे नाव आहे.
SDPO पणजी सुदेश नाईक आणि उत्तर गोव्याचे एसपी निधिन वाल्सन यांच्या मार्गदर्शनाखाली पणजी पोलिस स्थानकाचे पीआय निखिल पालेकर, एलपीएसआय सपना गावस, पीएसआय संकेत एस. पोखरे, पोलिस कॉन्स्टेबल राजेश रामा लोटलीकर, दीपक सावंत, साहिल तारी आणि उद्धव वडयेकर यांनी ही कारवाई केली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
