Panaji News : शैक्षणिक साहित्यालाही महागाईची झळ; १५ टक्क्यांपर्यंत दरवाढीने पालकांचे बजेट कोलमडले

Panaji News : यंदा मागील वर्षीच्या तुलनेत जर सर्वाधिक शैक्षणिक पुस्तकाची दरवाढ झाली असेल तर ती जरनलची झाली आहे.
Panaji
PanajiDainik Gomantak

Panaji News :

पणजी, राज्यात ४ जून पासून नव्या शैक्षणिक वर्षाला सुरूवात होत असल्याने पाल्यांसाठी लागणारे दप्तर, वह्या, पेन, पेन्सिल खरेदीसाठी बाजारात पालक, विद्यार्थी मोठ्या प्रमाणात येत आहेत.

शैक्षणिक साहित्याच्या दरात दिवसेंदिवस वाढ होत आहे मागील वर्षाच्या तुलनेत सर्वच शैक्षणिक साहित्यात ५ ते १५ टक्क्यांंनी वाढ झाल्याने अतिरिक्त भार पालकांवर येत असल्याने बहुतांश पालकांचे बजेट कोलमडले आहे.

यंदा मागील वर्षीच्या तुलनेत जर सर्वाधिक शैक्षणिक पुस्तकाची दरवाढ झाली असेल तर ती जरनलची झाली आहे. विद्यार्थ्यांना भूगोल आणि विज्ञान विषयासाठी लागणाऱ्या जर्नलच्या किंमतीत मोठ्या प्रमाणात वाढ झाली आहे. भूगोल जर्नलचा दर गतवर्षी २५ रूपये होता तो यंदा ७५ रूपयांना मिळत आहे. विज्ञान विषयाचा ३५ रूपयांना मिळणारा जरनल आता १२० रूपये झाला आहे त्यामुळे अनेक विद्यार्थी, तसेच पालक विक्रेत्यांना जुने जर्नल असल्यास द्यावेत अशी विचारणा करत असल्याचे विक्रेते सांगतात.

शैक्षणिक साहित्यात दरवर्षी ५ ते १० टक्क्यांनी वाढ होत असते. परंतु यंदा जरनलच्या किंमतीत अकस्मात मोठ्या प्रमाणात वाढ झाली आहे. ४ जूनपासून शाळा सुरू होत असल्याने अनेक पालक आपल्या मुलांसोबत शैक्षणिक साहित्य खरेदी करण्यासाठी येत आहेत. ४ जूननंतर मोठ्या प्रमाणात खरेदीला गर्दी होईल, असे वाटते.

-चंद्रकांत परब, शैक्षणिक साहित्य विक्रेते.

Panaji
Goa Drowning Case: राजबाग येथे संगीतकार तर वास्कोत दीड वर्षीय चिमुकलीचा समुद्रात बुडून मृत्यू

वह्या महागल्या

मागील वर्षाच्या तुलनेत यंदा शंभर पानी, दोनशे पानी वह्यांच्या दरात वाढ झाली आहे. १०० पानी मोठी वही जाड पुठ्याची गेल्यावर्षी १४० रूपयांना ४ नग विकले जायचे त्यांची किंमत १८५ झाली आहे. २०० पानी मोठी जाड पुठ्याची वही २२५ रूपयांना ४ नग विकले जायचे ते आता २५० रूपयांना विकले जात आहेत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com