पणजी: लग्न करण्याचे खोटे आमिष दाखवून एका महिलेवर लैंगिक अत्याचार केल्याच्या प्रकरणात पणजी येथील विशेष पोक्सो न्यायालयाने महत्त्वाचा निर्णय दिला. न्यायालयाने या प्रकरणातील आरोपीविरुद्ध बलात्काराचे आरोप निश्चित करण्याचे आदेश दिले. पीडित महिलेच्या संमतीचा गैरफायदा घेतल्याप्रकरणी न्यायालयाने हे कठोर पाऊल उचलले.
मिळालेल्या माहितीनुसार, संबंधित आरोपीने पीडित महिलेला (Women) लग्नाचे वचन देऊन तिच्याशी जवळीक साधली होती. पीडितेने असा आरोप केला की, आरोपीने तिला लग्नाचे स्वप्न दाखवले आणि तिच्या इच्छेविरुद्ध किंवा तिच्या संमतीचा गैरफायदा घेऊन शारीरिक संबंध प्रस्थापित केले. मात्र, काही काळानंतर जेव्हा लग्नाचा प्रश्न आला, तेव्हा आरोपीने आपल्या वचनापासून पळ काढला. या फसवणुकीनंतर पीडितेने पोलिसांत धाव घेऊन तक्रार दाखल केली होती.
पोक्सो न्यायालयासमोर झालेल्या सुनावणीदरम्यान, सरकारी पक्षाने मांडलेले पुरावे आणि पीडितेचा जबाब लक्षात घेता, न्यायालयाने स्पष्ट केले की केवळ संमती होती म्हणून याकडे दुर्लक्ष करता येणार नाही. जर ही संमती लग्नाच्या खोट्या आश्वासनावर आधारित असेल, तर तो कायद्याने गुन्हा ठरतो. न्यायालयाने (Court) नमूद केले की, आरोपीचा हेतू सुरुवातीपासूनच फसवणुकीचा होता की नाही, हे खटल्याच्या सुनावणीत स्पष्ट होईल; मात्र सध्या उपलब्ध असलेल्या पुराव्यांच्या आधारे त्याच्यावर भारतीय दंड संहितेच्या संबंधित कलमांनुसार गुन्हा चालवणे आवश्यक आहे.
अलिकडच्या काळात लग्नाचे आमिष दाखवून महिलांचे शोषण करण्याच्या घटनांमध्ये वाढ झाली आहे. आता या प्रकरणात पुढील साक्ष आणि पुराव्यांची तपासणी सुरु होणार असून, आरोपीला कडक शिक्षा होण्याची शक्यता वर्तवली जात आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.