गोव्यामध्ये बॉडीबिल्डिंग स्पर्धेचे आयोजन!

वास्को : दुसरी गोवा (Goa) बॉडीबिल्डिंग (Bodybuilding) आणि पुरुषांची शारीरिक राज्यस्तरीय अजिंक्यपद मिस्टर वास्को 2021 स्पर्धेचे वीरेश हिरेमठ यांनी जीडीसीसी मार्केटींग आणि व्यवस्थापन, दुबई (Dubai) यांच्या सौजन्याने सदर स्पर्धा आयोजित केली आहे. चषकाचे अनावरण हाॅटेल एचक्यू येथे करण्यात आले. गोवा बॉडीबिल्डिंग असोसिएशनचे अध्यक्ष श्री कृष्णा (दाजी) साळकर यांनी नंतर पत्रकार परिषद घेऊन सदर स्पर्धेविषयी माहिती दिली. 12 डिसेंबर 2021 रोजी सायंकाळी 6.30 वाजता गोवा बॉडी बिल्डर्स असोसिएशनच्या अंतर्गत फिजिक चॅम्पियनशिप स्पर्धेचे आयोजन मुरगाव नगरपालिका इमारतीसमोर करण्यात आले असून प्रमुख पाहुणे म्हणून परिवहन आणि पंचायत मंत्री श्री. मौविन गुदिन्हो उपस्थित राहणार आहे.

या स्पर्धेत टायटल मिस्टर वास्कोला ट्रॉफी आणि प्रमाणपत्रासह 30000 रुपयांचे बक्षीस दिले जाईल. 55 किलो, 60 किलो, 65 किलो, 70 किलो, 75 किलो आणि 75 किलो अधिकसाठी श्रेणी निहाय बक्षिसे असतील. प्रत्येक गटातील प्रथम क्रमांकास रु. 10000, द्वितीय क्रमांकास 8000, तृतीय क्रमांकास 6000, चौथ्या क्रमांकास 3000 व पाचव्या क्रमांकास 2000 चषक व प्रमाणपत्रांसह बक्षीस देण्यात येईल. पत्रकार परिषदेस (Press conference) संघटनेचे अध्यक्ष - श्री. कृष्ण (दाजी) साळकर, आयोजक - श्री. वीरेश हिरेमठ, प्रायोजक - प्रतिनिधी श्री. सचिन यांच्या उपस्थितीत पार पडली.यावेळी श्री. मोहम्मद उझैर, बॉडीबिल्डिंग प्रशिक्षक - रवी देसाई संयोजक - संतोष मापशेकर,आयोजन सचिव- श्री मोहिझ खान उपस्थित होते.

दुसरी गोवा बॉडीबिल्डिंग आणि पुरुषांची शारीरिक राज्यस्तरीय अजिंक्यपद मिस्टर वास्को 2021 चषकाचे अनावरण करताना गोवा बॉडीबिल्डिंग असोसिएशनचे अध्यक्ष श्री कृष्णा (दाजी) साळकर.बाजूस आयोजक - श्री. वीरेश हिरेमठ, प्रायोजक - प्रतिनिधी श्री. सचिन, श्री. मोहम्मद उझैर, बॉडीबिल्डिंग प्रशिक्षक - रवी देसाई संयोजक - संतोष मापशेकर,आयोजन सचिव- श्री मोहिझ खान.