Porvorim News: राहत्या घरी 41 वर्षीय महिलेची आत्महत्या; पर्वरी येथील घटना

Porvorim Crime News: पर्वरी येथे एका 41 वर्षीय महिलेने राहत्या घरी गळफास लावून आत्महत्या केली. दीपा मोरे असे मयत महिलेचे नाव असून 11 वर्षांपूर्वी त्यांचे लग्न झाले होते. गेल्या 3 महिन्यांपासून दीपा पोटाच्या आजाराने त्रस्त होत्या अशी माहिती पर्वरी पोलिसांनी दिली.

पोलिसांनी दिलेल्या माहितीनुसार, शनिवारी रात्री 10 वाजण्याच्या सुमारास पर्वरी येथे 41 वर्षीय दीपा मोरे यांनी राहत्या घरी गळफास लावून आत्महत्या केल्याची घटना घडली.

घटनेची माहिती मिळताच पर्वरी पोलिसांनी घटनास्थळी दाखल होत पंचनामा केला. मृतदेह शवविच्छेदन तपासणीसाठी रुग्णालयात पाठविण्यात आला.

चौकशीत असे समोर आले की, दीपा मोरे या गेल्या तीन महिन्यांपासून पोटाच्या आजारावर उपचार घेत होत्या. तसेच आजारपणामुळे त्या अस्वस्थ होत्या. दीपा यांचे 11 वर्षांपूर्वी लग्न झाले होते. त्यांचे पती टॅक्सी ड्रायव्हर आहेत. पीएसआय सीताराम मलिक पुढील तपास करीत आहेत.