Two Shops Gutted In Fire At Mapusa: हाऊसिंग बोर्ड म्हापसा येथे लॉंड्री तसेच स्टेशनरीचे गाळेवजा दुकानाला आग लागल्याची घटना शनिवारी रात्री 12 वाजण्याच्या सुमारास घडली. या आगीत अंदाजे 32 लाखांचे नुकसान झाल्याची माहिती समोर येत आहे.
म्हापसा अग्निशामक दलाचे जवान आणि स्थानिकांच्या मदतीने या भीषण आगीवर नियंत्रण मिळविण्यात दलाला यश आले. शॉर्ट सर्किटच्या कारणाने आग लागल्याची माहिती अग्निशामक दलाच्या जवानांनी दिली.
अग्निशामक दलाच्या जवानांनी दिलेल्या माहितीनुसार शनिवारी रात्री 12 वाजण्याच्या सुमारास हाऊसिंग बोर्ड म्हापसा येथे लॉंड्री तसेच स्टेशनरीचे गाळेवजा दुकानाला भीषण आग लागली. घटनेची माहिती स्थानिकांनी अग्निशामक दलाला व पोलिसांना दिली.
दलाचे जवान व पोलिस घटनास्थळी दाखल झाले. आगीची तीव्रता अधिक असल्याने पर्वरी अग्निशामक दलाच्या जवानांनाही घटनास्थळी पाचारण करण्यात आले.
जवानांनी पाण्याचा मारा करीत दोन्ही दुकानांना लागलेल्या आगीवर नियंत्रण मिळविले. मात्र भीषण आगीत दुकाने जळून खाक झाली. आगीत अंदाजे 32 लाखांचे नुकसान झाल्याची प्राथमिक माहिती मिळाली. सुदैवाने या आगीत जीवितहानी झाली नाही.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
