फातोर्डा : आर्लेम येथील बगल रस्त्यावर दुचाकी आणि कारमध्ये अपघातात दुचाकीस्वाराचा मृत्यू झाला आहे. अपघातास्थळी मृत झालेल्या मयताचे नाव हेमंत चोपडे असे आहे. एका कारने धडक दिल्याने त्याचा मृत्यू (Death) झाला आहे. या बरोबरच त्याच्या मागे बसलेला भाऊ हरीश चोपडे हा गंभीर झखमी झाला आहे. त्याला बांबोळी (Bambolim) येथील सरकारी हॉस्पिटलमध्ये (Hospital) दाखल करण्यात आले आहे. हे दोघेही झुवारीनगर वास्को येथे राहणारे असल्याची माहिती मिळाली आहे.
या अपघाताला (accident) कारणीभूत ठरलेल्या चंद्रशेखर तलवाडे या कारचालकाविरुद्ध गुन्हा दाखल करण्यात आला आहे. या विषयी पुढील तपास सुरु आहे.
दरम्यान, काल बेले नावेली येथे रस्ता ओवलांडणाऱ्या मुलाला कारची धडक बसल्याने त्याचे निधन झाले आहे. अपघातादरम्यान बघ्यांनी गर्दी केल्यामुळे रोडवर मोठ्या प्रमाणात वाहतूक जाम झाली होती. या प्रकरणी मडगाव (Margao) पोलिसांनी कार चालवणाऱ्या महिलेवर गुन्हा नोंद केला आहे.
ही घटना सायंकाळी 6 वाजण्याच्या सुमारास घडली. नीरज बुधनवर हा सहा वर्षांचा मुलगा रस्ता ओलांडत असताना त्याला कारची धडक बसली. त्याला उपचारासाठी गोमेकॉ रुग्णालयात दाखल करण्यात आले. मात्र रात्री उशिरा तिथे त्याचे निधन (Death) झाले. या घटनेमुळे परिसरात खळबळ उडाली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
