वार्का येथे इसमाचा बुडून मृत्यू; पोलिस तपास सुरू

फातोर्डा : वार्का येथील समुद्रात आंघोळीला गेलेल्या एका अनोळखी इसमाचा बुडून मृत्यू झाल्याची घटना घडली आहे.

या मयताविषयी अधिक माहिती मिळू शकली नाही. समुद्र किनाऱ्यावर मयताचे बॅग आणि नादुरुस्त असलेला मोबाईल सापडला आहे. या मयताचे शव शोधण्याचे काम सुरु आहे. ही घटना 29 मे रोजी सायंकाळी 4:30 वाजण्याच्या दरम्यान घडली आहे .

दरम्यान, कुडासे येथील बंधाऱ्यावर कुटुंबीयांसह आंघोळ करताना अचानक पाणी वाढल्यामुळे मामा आणि भाची दोघेही बुडाले. या दुर्घटनेत दुर्गावाडी-ताळगाव येथील प्रसिद्ध वकील विजय आनंद पाळयेकर आणि त्यांची भाची तनिशा ठाकूर या दोघांचा मृत्यू झाला.

या दुर्घटनेत बळी पडलेली हरमल गावची तनिशा ठाकूर हिच्या पार्थिवावर शोकाकुल वातावरणात काल सकाळी 10 च्या सुमारास अंत्यसंस्कार करण्यात आले.