Goa Suicide Case: किंदळे-काणकोण येथे एकाची गळफास घेऊन आत्महत्या

किंदळे-काणकोण येथील तुळशीदास काणकोणकर यांनी राहत्या घरात गळफास घेऊन आत्महत्या केली. या आत्महत्येमागचे नेमके कारण समजू शकले नाही. त्यांच्या पश्‍चात दोन मुलगे व पत्नी असा परिवार आहे. ही घटना आज सकाळी उघडकीस आली

तुळशीदास हे चावडीवर सुमो गाडीने भाडी मारत असत. काही महिन्यांपूर्वी पालिकेच्या कचरा उचल वाहनाचे चालक म्हणून त्यांची नेमणूक झाली होती. मात्र, अनेक दिवस ते मानसिक दडपणाखाली होते. ते वेगळ्या खोलीत व त्यांची बायको, मुले वेगळ्या खोलीत झोपली होती.

मात्र, सकाळी उठल्यावर त्यांनी गळफास घेतल्याचे निदर्शनास आल्याचे त्यांच्या नातेवाईकांनी सांगितल्याचे या प्रकारणाचा तपास करणारे काणकोण पोलिस ठाण्याचे साहाय्यक पोलिस उपनिरीक्षक अजित वेळीप यांनी सांगितले. पोलिसांनी पंचनामा करून मृतदेह ताब्यात घेतल्यानंतर मडगाव जिल्हा इस्पितळात शवचिकित्सा करून तो नातेवाईकांच्या ताब्यात देण्यात आला. संध्याकाळी अंतिम संस्कार करण्यात आले.