Saligao : 15 वर्षीय अल्पवयीन मुलीवर बलात्कार प्रकरणी साळगाव पोलिसांनी एका संशयिताला अटक केली आहे. या प्रकरणी सदर पीडितेच्या आईने साळगाव पोलिस स्थानकात तक्रार दिली होती. आज संशयिताला कळंगुट येथून अटक करण्यात आली. प्रकरणाचा पुढील तपास साळगाव पोलिस करीत आहेत.
पोलिसांनी दिलेल्या माहितीनुसार संबंधित पीडीत मुलीच्या आईने गेल्या आठवड्यात साळगाव पोलिसांत तक्रार दिली होती. संशयितावर पॉस्को कायद्याअंतर्गत गुन्हा दाखल करण्यात आला. या तक्रारीच्या आधारे एएसआय सूर्यकांत कोळवलकर, पोलिस कॉन्स्टेबल विशांत मयेकर, वैभव आरोंदेकर, विजय पालनी, राहुल आंगोलकर यांचा समावेश असलेले पोलिस पथक संबंधित गुन्ह्याच्या तपासासाठी गुरुवारी पीआय मिलिंद एम. भुईंबर व विश्वेष कर्पे यांच्या देखरेखीखाली कर्नाटकला गेले होते.
मात्र, संशयित पोलिसांना चकमा देत गोव्यात आला. आज अथक प्रयत्नांनंतर कळंगुट येथून संशयिताला अटक करण्यात साळगाव पोलिसांना यश आले. सुनील राठोड रा. कांदोळी, मूळ - कर्नाटक असे अटक केलेल्या संशयिताचे नाव आहे.
या प्रकरणाचा अधिक तपास पीआय मिलिंद एम. भुईंबर यांच्या देखरेखीखाली पीएसआय निलम गवस करीत आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.