राय नदीतून बेकायदेशीर रेती वाहतूक प्रकरणी एकास अटक

फातोर्डा : राय येथील नदीतून बेकायदेशीररित्या रेती काढून ट्रकमधून घालून वाहतूक केल्या प्रकरणी गुडी येथील कचप्पा कोरी (वय 51) या व्यक्तीला अटक केली आहे. या ट्रकमध्ये 12 हजार रुपयांची रेती सापडली होती.

अधिक माहितीनुसार, गस्तीवर असलेल्या मायणा कुडतरी पोलिसांनी एका ट्रक चालकाला संशयास्पद असताना हटकले असता आणि ट्रकची पाहणी केली असता यामध्ये पोलिसांना रेती आढळून आली. यावेळी त्याच्याकडे रेती वाहतुकीचा (transport) कुठलाही परवाना नव्हता. त्यानुसार मायणा पोलिसांनी मायन्स आणि मिनरल डिव्हल्पमेंट ॲण्ड रेग्युलेशन ॲक्ट-1957 च्या 21 कलमाखाली तसेच रेती चोरी प्रकरणी ट्रक चालकाला अटक केली आहे. या प्रकरणी मायणा पोलिस (police) ठाण्याचे उपनिरीक्षक प्रशांत भगत या प्रकरणाचा पुढील तपास करत आहेत.