आज राज्यात शिवरात्रीचा उत्साह दिसून आला. शिवशंकरांच्या उपासनेसाठी शिवभक्तांनी सकाळपासूनच मंदिरात दर्शनासाठी गर्दी केली होती. पूजा, अभिषेक, रुद्र पठण आदी कार्यक्रमांसह महाप्रसादाचे आयोजन बऱ्याच ठिकाणी करण्यात आले होते. शिवभक्तांसाठी आजचा दिवस महत्वाचा मनाला जातो.
राज्याचे मुख्यमंत्री प्रमोद सावंत यांनी देखील आज हरवळे येथील रुद्रेश्वर मंदिरात जाऊन आपली सेवा श्रींचरणी अर्पण केली. रुद्रेश्वर मंदिरात त्यांनी दूध आणि जलाचा अभिषेक केला. यावेळी रुद्र आणि शिव महिम्न याचे पठण करण्यात आले.
फाल्गुन महिन्यातील कृष्ण पक्षाच्या चतुर्दशी तिथीला ‘महाशिवरात्री’ साजरी केली जाते. शास्त्रात हा दिवस खूप महत्वाचा मानला जातो. या महाशिवरात्रीच्या उत्सवासाठी राज्यातील सर्व मंदिरे फुलांनी आणि विद्द्युतरोषणाईने सजली होती.
मागील दोन वर्षे कोरोना संक्रमणामुळे सर्वच सण उत्सव साजरे करण्यावर मर्यादा आल्या होत्या. परंतु आता राज्यातील निर्बंध हटवण्यात आल्याने शिवभक्तांनी मंदिरात गर्दी केल्याचे दिसून आले.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.