पेट्रोल डिझेलच्या दरवाढीमुळे आधीच महागाई वाढल्याने सर्वसामान्य जनता त्रस्त आहे. पेट्रोल आणि डिझेलच्या किंमती सोबत खाद्य तेल सुद्धा प्रचंड महाग झाले आहे. महागाईमुळे मेटाकुटीला आलेल्या सर्वसामान्य जनतेला आता आणखी एक झटका बसणार आहे.
घरात निवांत बसून टीव्ही पाहणे देखील आता महागणार आहे. टीव्ही पाहण्यासाठी आता चॅनेल्ससाठी जास्त खर्च करावा लागणार आहे.
राष्ट्रीय चॅनेलमध्ये दरवाढ केली असल्याने त्याचा फटका राज्यातील सर्व केबल ऑपरेटर्सना बसला आहे. परिणामी टीव्ही चॅनेलच्या दरवाढी विरोधात राज्यातील सर्व केबल ऑपरेटर्सनी अनेक राष्ट्रीय चॅनेलच्या सेवा बेमुदत खंडित केल्या आहेत.
या वाढीव दराबाबतचे नियम आणि अटी याबद्दल अद्याप सविस्तर माहिती समजू शकली नाहीय. मात्र ग्राहकांना या दरवाढीचा फटका बसणार असल्याचा दावा केबल ऑपरेटर्सनी केलाय. थोडक्यात महागाईने त्रस्त असलेल्या जनतेला आता मनोरंजन देखील महागणार आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.