Old Mandovi Bridge: वाहतूक कोंडीला राम राम; 13 दिवसानंतर जुना मांडवी पूल खुला

पणजी: मांडवी नदीवरील जुना पूल शुक्रवारी सायंकाळी वाहतुकीस खुला झाला. १५ फेब्रुवारीपासून या पुलाचे दुरुस्ती काम सार्वजनिक बांधकाम खात्याने हाती घेतले होते. चौदाव्या दिवशी हा पूल वाहतुकीस खुला झाल्याने आता पर्वरीकडून येणाऱ्या मार्गावर वाहतूक कोंडी होणार नाही.

मांडवीवरील जुन्या पुलाचे दुरुस्ती काम हाती घेतल्यामुळे नव्या पुलावर वाहनांची कोंडी होऊ लागली. त्यामुळे वाहतूक पोलिसांची चांगलीच धावपळ झाली. या पुलाचे दुरुस्तीचे कामाचा परिणाम नव्या पुलावर दररोज वाहतूक कोंडी नजरेस पडू लागली.

पर्वरीकडील बाजूकडून येणाऱ्या रस्त्यावर सकाळी आणि सायंकाळी वाहनांच्या रांगा दिसून येत होत्या. सार्वजनिक बांधकाम खात्याने पुलाचे काम पूर्ण होताच तो मार्ग वाहतुकीसाठी खुला करून दिला.