Panaji Smart City: ओल्ड जीएमसी ते विठ्ठल मंदिर रस्ता वाहतूकीस बंद; 'असा' असणार पर्यायी मार्ग

Road Closed For Ribandar Smart City Work: विठ्ठल मंदिर, रायबंदर ते गुन्हे शाखा कार्यालय, रायबंदर (ओल्ड जीएमसी, रायबंदर) या रस्त्याचे काम करण्यासाठी जवळपास 25 दिवस हा रस्ता वाहतूकीसाठी बंद राहणार आहे. याबाबतचे आदेश उत्तर गोवा जिल्हाधिकाऱ्यांनी जाहीर केले आहेत.

स्मार्ट सिटी अंतर्गत ही कामे हाती घेण्यात येणार असून इमॅजिन पणजी स्मार्ट सिटी डेव्हलपमेंट लिमिटेड या कंपनीने खोदकामासाठी परवानगी मागितली होती.

इमॅजिन पणजी स्मार्ट सिटी डेव्हलपमेंट लिमिटेड या कंपनीकडून रायबंदर स्मार्ट करण्यात येणार आहे. रायबंदर ते गुन्हे शाखा कार्यालय, विठ्ठल मंदिर ते ओल्ड जीएमसी हा रस्ता 7 ते 30 ऑक्टोंबरपर्यंत सार्वजनिक वाहतूकीसाठी बंद राहणार आहे.

उत्तर गोवा जिल्हाधिकाऱ्यांनी जाहीर केलेल्या आदेशात असे नमूद करण्यात आले की, या काळात ओल्ड गोव्याकडून रायबंदरकडे जाणाऱ्या बसेस, चारचाकी, अवजड वाहने हॉटेल रत्नसागर जंक्शनकडून कदंब बायपास रोडकडे वळविण्यात येतील.

ओल्ड गोव्याकडे जाणारी सर्व वाहने दिवजा सर्कल येथून वळवली जातील व होबळे रिव्हरव्य्हू रेस्टॉरंटनंतर पुढे कदंब बायपास रोडने पुढे जातील