Nathan Joseph Mendes: माडगावचा हिप-हॉप स्टार नॅथन जोसेफ मेंडिस त्सुमायोकी (Tsumyoki) याने आंतरराष्ट्रीय स्तरावर उल्लेखनीय यश मिळवले आहे. नॅथनला प्रतिष्ठित MTV युरोपियन संगीत पुरस्कारासाठी नामांकन मिळाले आहे.
नोव्हेंबर महिन्यात पॅरिसमध्ये हा पुरस्कार सोहळा पार पडणार आहे. नॅथनच्या या यशाबद्दल सर्व स्तरातून त्याच्यावर कौतुकाचा वर्षाव होत आहे.
मडगाव येथे जन्मलेला नॅथन मेंडिस रॅपर असून तो हिपहॉप, लोक संगीत आणि पॉप संगीत करतो तसेच स्वत: गीतकार देखील आहे. त्याची अनेक गाणी पिंक ब्ल्यु, एक दो एक, इट्स ऑलराईट, परफेक्ट लाईन यासारखी विविध गीते युवा वर्गात प्रसिद्ध आहेत.
संगीत मला नेहमीच प्रेरणा देते, संगीत माझ्यासाठी थेरपीचे काम करते. लोकांना देखील प्रेरीत करायला मला आवडते, लोक मला मेसेज करतात त्यातून लोकांचे प्रेम मिळते. मला याच गोष्टी नवीन काम करण्याची प्रेरणा देतात, असे नॅथन म्हणाला.
रॅपर नॅथन मेंडिसची अनेक गाणी युट्युबवर ऐकता आणि पाहता येतील अलिकडेच त्याचा मेसेज फ्रॉम द मून हा अल्बम प्रिसिद्ध झाला असून, त्याला उत्तम प्रतिसाद मिळत आहे.
नॅथनवर सर्व स्तरातून कौतुकाचा वर्षाव होत आहे, वन आणि आरोग्यमंत्री विश्वजीत राणे यांनी देखील थन मेंडिसचे कौतुक करत त्याला पुढील प्रवासासाठी शुभेच्छा दिल्या आहेत.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.