वेर्णा पोलिसांनी तरुणाला ढोकल्या बेड्या, अंमली पदार्थ जप्त

वेर्णा पोलिसांनी 37 वर्षीय ओडिशातील नायक प्रकाश सेन याला 1.10 लाख रुपयांच्या अंमली पदार्थ गांजासह अटक केली आहे. जुआरीनगर येथील उमिया हॅबिटॅट बिल्डिंगजवळील मोकळ्या भूखंडावर छापा टाकला असता नायक याच्याकडे 1.107 किलो गांजा असलेले 2 बॉक्स सापडले. यावेळी पोलिसांनी हा गांजा जप्त केला आहे. तसेच या तरुणाला पोलिसांनी अटक केली आहे. याबाबतचा पुढील तपास पोलिस करत आहेत.

जुआरीनगर येथे अंमली पदार्थांची (Drugs) विक्री होत असल्याची माहिती पोलिसांना मिळाली, त्यानुसार पोलिसांनी पुढील तपास यंत्रणा हलवली आणि या तरुणाला रंगेहात पकडले. राज्यात अनेक ठिकाणी अंमली पदार्थ विकले जात असल्यामुळे अनेक सामाजिक संस्थांकडून पोलिसांच्या कामगिरीवर प्रश्नचिन्ह उभे केले जात आहे. त्यामुळे पोलिस देखील सतर्क होऊन ढोस पावले उचलताना दिसत आहेत.

दरम्यान, अमली पदार्थ विरोधी विभागाने मडगाव येथे आज छापा टाकला. यावेळी छापा टाकून रियाझ शेख (37, नावेली) याला अटक करण्यात आली आहे. आरोपीकडून 4 लाखांचा 4 किलो गांजा जप्त करण्यात आला होता.

मडगाव (Margao) परिसरात अमली पदार्थ विकले जात असल्याची माहिती पोलिसांना (police) मिळताच पोलिसांनी छापा टाकून आरोपीला रंगेहाथ पकडले आहे. पोलीस अधीक्षक महेश गावकर व उपअधीक्षक तुषार वेर्णेकर यांच्या मार्गदर्शनाखाली ही कारवाई झाली. पूढील तपास पोलिस करत आहेत.