मोकाट गुरांच्या उच्छादामुळे सध्या उसगाव ते खांडेपार आणि कुर्टी भागातील मुख्य रस्त्यांवर अपघातांचे प्रमाण वाढले आहे. दोन दिवसांपूर्वी पार येथे गुराला धडकल्याने एका दुचाकीस्वाराचा मृत्यू झाला होता.
ही गुरे रात्रभर रस्त्यावर ठाण मांडून बसत असल्याने वाहनचालकांना पावसामुळे ती दिसत नसल्याने अपघातांचे सत्र सध्या सुरू झाले असून संबंधित प्रशासकीय यंत्रणेने त्वरित यावर तोडगा काढावा, अशी जोरदार मागणी करण्यात येत आहे.
उसगाव - म्हारवासडा ते खांडेपार व पुढे कुर्टीपर्यंतच्या रस्त्यावर कायम गुरांचा कळप बसलेला असतो. या गुरांमुळे वाहतुकीची कोंडी तर होतेच; पण गुरांना धडकून विशेषतः दुचाकीस्वारांना अपघात होत आहेत. यातील काही अपघात जीवघेणे ठरले असून गुरांचा बंदोबस्त करणे ही काळाची गरज बनली आहे.
म्हारवासडा - उसगाव भागात तर मोठ्या प्रमाणात रस्त्यावर गुरांची वर्दळ सुरू असते. रस्त्याने जाताना ही गुरे दुचाकीस्वारांच्या मागे धावण्याचेही प्रकार घडत आहेत. त्यामुळे ही गंभीर बाब लक्षात घेऊन या गुरांचा त्वरित बंदोबस्त करण्याची आवश्‍यकता आहे. फोंडा पालिकेने बेतोडा - निरंकाल येथे गोशाळा उभारली आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.