Mandovi Express: ‘मांडवी एक्सप्रेस’ला आग लागल्याने नव्हे; ब्रेक तुटल्याने धूर

Mandovi Express: मडगाव रेल्वेस्थानकावरून आज बुधवारी सकाळी मुंबईला निघालेली मांडवी एक्सप्रेस ट्रेन सावंतवाडी स्थानकावर पोहोचली असता मागील डब्यातून अचानक धूर यायला लागल्याने प्रवाशांमध्ये घबराट पसरली.

रेल्वेच्या कर्मचाऱ्यांनी तपासणी केली असता ब्रेक तुटल्याने धूर येत असल्‍याचे स्‍पष्‍ट झाले.ब्रेक दुरुस्त केल्यावर ट्रेन आपल्या पुढच्या प्रवासाला निघून गेली. मात्र या घटनेमुळे प्रवाशांमध्ये घबराट पसरली व त्या डब्यातील प्रवाशांची दुसऱ्या डब्यात आसरा घेण्यासाठी धावपळ उडाली. याबाबत कोकण रेल्वेचे उपसरव्यवस्थापक बबन घाटगे यांनी सांगितले की, हा आग लागण्याचा प्रकार मुळीच नव्हता. केवळ ब्रेक तुटल्यामुळे धूर येत होता.