North Goa Police: उत्तर गोव्याचे पोलीस अधीक्षक निधीन वल्सन यांनी मंगळवारी संध्याकाळी हणजूण येथे अचानक पेट्रोलिंग मोहीम राबवली. यावेळी अनेक वाहनचालक नियम पाळत नसल्याचे त्यांच्या निदर्शनास आले. त्यांनी अनेक वाहनचालकांवर वाहतूक नियमांचे उल्लंघन केल्याबद्दल गुन्हा दाखल केला.
एसपी उत्तरसह म्हापसा एसडीपीओ जिवबा दळवी, हणजूण पीआय प्रशाल देसाई आणि हणजूण पोलिसांशी संलग्न पोलिस कर्मचाऱ्यांनी विशेष मोहीम राबवली.
"संध्याकाळच्या वेळी आयोजित केलेल्या मोहिमेदरम्यान नाकाबंदी तैनात करण्यात आली होती आणि अनेक वाहनचालकांवर मोटार वाहन कायदा, सार्वजनिक धूम्रपान इत्यादी अंतर्गत गुन्हा दाखल करण्यात आला," असे मात्र जिवबा दळवी यांनी व्यक्त केले.
ड्युटीवरील कर्मचार्‍यांनी खात्री केली की कोणीही वाहतूक नियमांचे उल्लंघन करताना आढळणार नाही आणि कायद्यानुसार कारवाई सुरू केली असल्याचे त्यांनी सांगितले.
उत्तर गोवा पोलिसांच्या या अचानक पेट्रोलिंगमुळे किनाऱ्यावर मजामस्ती करायला आलेल्यांची मात्र तारांबळ उडाली.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
