Arm's Prohibited In Goa: उत्तर आणि दक्षिण गोव्यात शस्त्रे बाळगण्यास बंदी; आचार संहिता लागू असेपर्यंत मनाई

Arm's Prohibited In Goa: लोकसभा निवडणुकीच्या पार्श्वभूमीवर उत्तर आणि दक्षिण गोव्यात शस्त्रे बाळगण्यास बंदी घालण्यात आली आहे.
Arm's Prohibited In Goa
Arm's Prohibited In GoaDainik Gomantak

Arm's Prohibited In Goa

देशात आगामी लोकसभा निवडणुकीचे बिगुल वाजले आहे. निवडणुकीच्या पार्श्वभूमीवर आदर्श आचार संहिता लागू करण्यात आली असून, सर्व राज्यातील प्रशासकीय यंत्रणा सतर्क झाल्या आहेत. गोव्यात देखील विविध यंत्रणा अवैध घडमोडींवर लक्ष ठेऊन आहेत, शिवाय काही गैरप्रकार होऊ नये यासाठी आवश्यक मनाई आदेश लागू करण्यात आले आहेत.

लोकसभा निवडणुकीच्या पार्श्वभूमीवर उत्तर आणि दक्षिण गोव्यात शस्त्रे बाळगण्यास बंदी घालण्यात आली आहे. याबाबत जिल्हा दंडाधिकाऱ्यांनी मनाई आदेश जारी केला आहे.

संपूर्ण उत्तर आणि दक्षिण गोवा जिल्ह्यात सर्व प्रकारची शस्त्रे, अग्निशस्त्रे, दारुगोळा, प्राणघातक शस्त्रे, कोणत्याही सार्वजनिक ठिकाणी, रस्त्यावर, चौकात, गल्लीबोळात किंवा कोणत्याही खुल्या जागी जवळ बाळगण्यास आचार संहिता लागू असेपर्यंत मनाई केली आहे, असे जिल्हाधिकाऱ्यांच्या आदेशात म्हटले आहे. आदेशाचे उल्लंघन आयपीसीच्या कलम 188 नुसार दंडनीय आहे.

दरम्यान, या आदेशातून सार्वजनिक सेवक, पोलीस, संरक्षण कर्मचारी आणि कर्तव्यावर असलेले सुरक्षा कर्मचारी / क्रीडा व्यक्ती जे भारतीय राष्ट्रीय रायफल असोसिएशनचे सदस्य आहेत, बँकांचे जबाबदार व्यक्ती आणि त्यांचे राखणदार यांना सूट देण्यात आली आहे.

Arm's Prohibited In Goa
Liquor Smuggling: गोव्यातून गुजरातला 50 लाखांची मद्य तस्करी, डिस्टीलरी संचालकासह वाईन शॉप मालकास अटक

दक्षिण आणि उत्तर गोवा जिल्हाधिकारी कार्यालयात निवडणूक नियंत्रण कक्ष चोवीस तास कार्यरत राहणार आहे.

उत्तर गोवा जिल्हा दंडाधिकाऱ्यांनी पणजी येथील फेरी धक्क्याजवळील सर्व्हिस लेन केवळ निवडणूकीत वापरण्यात येणाऱ्या वाहनांसाठी पार्किंग म्हणून अधिसूचित केली आहे. ही अधिसूचना तात्काळ लागू होईल आणि निवडणूक प्रक्रिया पूर्ण होईपर्यंत अंमलात राहील, असे आदेशात म्हटले आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com