गोवा: गोव्यातील समुद्रकिनारी रात्रीच्यावेळी मोठ्या आवाजात गाणी आणि संगीत वाजत असल्याचा दावा केला जात होता आणि यावर पर्यटनमंत्री आलेक्स सिक्वेरा यांनी महत्वाचे विधान केले. पर्यटन मंत्र्यांनी सोमवारी (दि. ७ ऑक्टोबर) रोजी माहिती दिली की त्यांनी अचानक समुद्रकिनारपट्टीला भेट दिल्यावेळी त्यांना कोणत्याही प्रकारचा मोठा आवाज किंवा संगीत आढळून आले नाही.
मंत्री आलेक्स सिक्वेरा म्हणतात की दररोज समुद्र किराऱ्यावर जोरजोरात संगीत सुरु असल्याच्या बातम्या ऐकून ते त्रस्त झाले होते आणि या प्रकरणाचा छडा लावण्यासाठी त्यांनी गुप्तपणे समुद्रकिनाऱ्याला भेट दिली होती. ते समुद्र किनारी पाहणी करणार आहेत याची माहिती त्यांच्या कर्मचाऱ्यांना देखील नव्हती आणि अशा स्थितीत त्यांना किनाऱ्यावर कुठल्याही प्रकारे जोरजोरात सुरु असलेले संगीत आढळून आले नाही.
प्रदूषण नियंत्रण मंडळ, पोलीस आणि उपजिल्हाधिकारी यांसारखे अधिकारी या प्रकरणी कारवाई करण्यास टाळाटाळ करत असल्याची कबुलीही मंत्र्यांनी दिली. आता जरी समुद्रकिनारी असा प्रकार आढळून आला नसला तरीही मंत्री आलेक्स सिक्वेरा यांची कायम यावर नजर राहील आणि लवकरच ते प्रकरणाचा सोक्षमोक्ष लावतील अशी ग्वाही त्यांनी दिलीये.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.