मडगाव: आपलाही कोळशाला विरोध असून राज्यात अधिक कोळसा साठवणुकीस कदापि मुभा देणार नाही. तसेच सध्या ज्या प्रमाणात कोळसा आणला जात आहे, त्याहून अधिक प्रमाणात तो आणू देणार नाही, असे स्पष्टीकरण पर्यावरणमंत्री नीलेश काब्राल यांनी बुधवारी येथे केले.ते म्हणाले, की वाढती गरज भागविण्यासाठी गोव्यातील वीजविषयक पायाभूत सुविधा वाढविल्या नाहीत, तर आगामी 3 ते 4 वर्षात वीज समस्या भेडसावण्याची शक्यता आहे.
गोव्यातील लोकांना कोळशाविषयी आकस आहे. तसेच येथे ‘कोळसा हब’ होईल अशी भीती आहे. त्यामुळे सरकार राज्यात येणारे कोळशाचे प्रमाण कमी कसे होईल ते पाहील.
आपणही कोळसा विरोधकच आहे, पण येणारा कोळसा थांबविता येणार नाही. त्यामुळे त्याचे प्रमाण कसे घटविता येईल ते पाहणे आवश्यक आहे. वेर्णा येथील कोळसा साठवणुकीबाबत ते म्हणाले, की एका कंपनी कोळसा साठविला जात आहे व तो तेथून हटविला जाईलच, शिवाय गोवा हे ‘कोळसा डंप’ होणार नाही याची
खातरी बाळगा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
